| वारकरी संतांचा स्त्रियांकडे पाहण्याचा दृष्टिकोन निकोप होता. त्यांच्या एकूण अभंगवाङ्मयाकडे पाहिल्यास तसे जाणवते. स्त्री हा मोक्षमार्गातील अडथळा त्यांनी कधी मानला नाही. पती-पत्नी दोघांनीही मोक्ष प्राप्त करून घ्यावा, असे ते म्हणतात. पारंपरिक जीवनपध्दतीतील समाज व कुटुंबात स्त्रीला प्रतिष्ठा प्राप्त करून देण्याचे काम संतांनी केले. त्यांच्या अषा प्रेरणेने अनेक स्त्रिया संत म्हणून उदयाला आल्या. त्यामागे संतांची निकोप भूमिका कारणीभूत होती. |